پارتی بۆ یەکێتی: سەرکەوتن عەیبێک و دابەزین دوو عەیب

کەناڵی کوردستان 24ی سەربە مەسرور بارزانی ڕاوێژکاری ئەنجومەنی ئاسایشی هەرێمی کوردستان لە ڕاپۆرتێکدا ئاماژە بۆئەوەدەکات"دەبێت جێگری سکرتێری گشتی یەکێتی و بەرپرسی دەستەی کارگێری مەکتەبی سیاسی ئەو حیزبە سزای ئەو کەسانە بدەن کە پێش کۆبونەوەکەی سەرکردایەتی و بڕیاردان لەسەر ڕیفراندۆم لە ناو یەکێتیدا دژی وەساتنەوە". باسی لەوەشکردوە"ئێستا دەبێت ئەو کادیرانەی یەکێتی چۆن وەڵامی هاوڵاتیان و لایەنگرانیان بدەنەوە کە سەرکردایەتییەکەیان پشتگیری ڕیفراندۆم دەکات و ئەمانیش دەبێت لە هەڵوێستی پێشوویان پەشیمان ببنەوە، ئەوەیش لە هەردوو بارەکەدا نەنگییە بۆیان وەک لە کۆندا وتراوە"سەرکەوتن عەیبێک و دابەزین دوو عەیب". جێی ئاماژەیە ئەمڕۆ، ئەنجومەنی سەرکردایەتی یەکێتی نیشتیمانی کوردستان بە زۆرینەی دەنگ پاڵپشتی بۆ ڕیفراندۆمی هەرێمی کوردستان دەربڕی وەک ئەوەی پارتی دیموکراتی کوردستان پێشنیاری بۆ کردووە.