سلێمانی..مێرمنداڵێک بەفیشەک گیانی لەدەستدا

لە گەڕەکێکی شاری سلێمانی مێرمنداڵێک بەفیشەک گیانی لەدەستدا و بەگوێرەی زانیارییە سەرەتاییەکانی پۆڵیس

پێدەچێت روداوەکە خۆکوژی بێت.

بەگوێرەی ئەو زانیاریانەی لە پۆلیسی سلێمانییەوە دەست کەوتووە، ئەمشەو لە گەڕەکی زەرگەتەی شاری سلێمانی، هێزەکانی پۆلیس بەبوونی رووداوێک ئاگادارکرانەوە و دوای چوونی مەفرەزەیەکی پۆلیس دەرکەوت لە ماڵێکدا مێرمنداڵێک بەناوی(م.م.ر) کە تەمەنی نزیکەی 16 ساڵە گیانی لەدەستداوە.

هەر به‌گوێره‌ی زانیارییەکان ئاسەواری به‌فیشه‌ك بەجەستەیەوە دیارە و پێدەچێت روداوەکەش خۆکوژی بێت، بەڵام له‌ئێستادا بۆ زانیاری زیاتر ته‌رمه‌كه‌ی ره‌وانه‌ی پزیشكی دادی سلێمانی كراوه‌و لێكۆڵینه‌وه‌ی پۆلیسش له‌سه‌ر رووداوه‌كه‌ ده‌ستیپێكردووه‌.