له‌باره‌ی بازاڕی ئۆنلاینه‌وه‌ هۆشداری‌ ده‌درێت

به‌رێوه‌به‌ری چاودێری بازرگانی سلێمانی له‌باره‌ی كڕین و فرۆشتن له‌رێگه‌ی‌ بازاڕی ئۆنلاینه‌وه‌ رونكردنه‌وه‌ ده‌دات و رایده‌گه‌یه‌نێت:مامه‌ڵه‌كانی‌ ئۆنلاین له‌ژێرچاودێری بازرگانیدا نییه‌ و تائێستاش هیچ یاساو رێنماییه‌ك نییه‌ بۆ ئه‌م شێوازه‌ له‌بازاڕكردن.

سۆران عه‌بدولغه‌فور به‌رێوبه‌ری چاودێری بازرگانی سلێمانی‌راگه‌یاند:ئه‌و كڕین و فرۆشتانه‌ی له‌رێگه‌ی تۆره‌ كۆمه‌ڵایه‌تیه‌كانه‌وه‌ ده‌كرێت و به‌ بازاڕی(ئۆنلاین)ناسراوه‌، ناچێته‌وه‌ چوارچێوه‌ی چاودێری بازرگانییه‌وه‌.

وتی:ئه‌و شێوازی بازاڕكردنه‌، به‌خواست و ویستی كڕیاره‌، واته‌ گه‌ربیه‌وێت داوای كه‌لوپه‌ل ده‌كات، تائێستاش هیچ یاساو رێنماییه‌ك نییه‌ بۆ ئه‌م شێوازه‌ له‌بازاڕكردن، بۆیه‌ له‌باش و خراپی‌ و نرخی‌ كه‌لوپه‌له‌كانیش به‌رپرس نین.

به‌رێوبه‌ری چاودێری بازرگانی سلێمانی‌، باسی له‌وه‌شكرد، له‌كوردستان ئه‌مشێوازه‌ی كڕین و فرۆشتنه‌ تازه‌یه‌ و تائێستا به‌شێوه‌یه‌كی ئازاد هاوڵاتیان كڕین و فرۆشتن ده‌كه‌ن.